Ástunga á eista – TESA

TESA er skammstöfun sem stendur fyrir ,,testicular sperm aspiration“. Gerð er ástunga á eista með nál eða tekið vefjasýni. Þetta er gert þegar sáðfrumur er ekki að finna í sæðisvökvanum en líklegt er að þær séu til staðar í eistanu sjálfu.

Inngripið hentar bæði mönnum sem hafa áður farið í ófrjósemisaðgerð sem og mörgum þeirra sem ekki hafa sáðfrumur í sæðisvökvanum af öðrum ástæðum. Fyrir fyrrnefnda hópinn eru líkur á að ná sáðfrumum með þessum hætti afar góðar en árangur misjafn hjá síðarnefnda hópnum.

Sáðfrumur sem nást með ástungu á eista er einungis hægt að nota í smásjárfrjóvgun (ICSI).

Bókaðu tíma hjá einum af sérfræðilæknum okkar í gegnum Noona, með tölvupósti á reykjavik@livio.is eða í síma 430-4000.

Sérfræðilæknar Livio

Snorri Einarsson er sérfræðingur í fæðinga- og kvensjúkdómalækningum og hefur starfað við ófrjósemislækningar frá árinu 2006. Hann hlaut viðurkenningu í ófrjósemislækningum sem undirsérgrein árið 2012, lauk doktorsprófi 2021 og er jafnframt kennari við læknadeild Háskóla Íslands.

Tinna Baldvinsdóttir er sérfræðingur í fæðinga- og kvensjúkdómalækningum. Hún lauk sérnámi við Sahlgrenska háskólasjúkrahúsið í Gautaborg og varð sérfræðingur árið 2016. Eftir það hefur hún sérhæft sig í sónarskoðun og fósturgreiningu samhliða störfum sínum við fæðinga- og kvensjúkdómalækningar.

Þorbjörn Have Jónsson er sérfræðingur í fæðinga- og kvensjúkdómalækningum með greiningu og meðferð frjósemisvandamála sem sitt aðalstarfssvið.